top of page

ل ژێر درویشمێ
جڤاكێ ڕەوشەنبیر ژبۆ پاشه‌ڕۆژه‌كا گه‌شتر

ناڤەندا خانی یا ڕەوشەنبیری و ڕاگەهاندنێ ل دهۆکێ، یا ب سەر پــشکا ڕەوشەنبیری و ڕاگەهاندنا پارتی دیموکراتی کوردستان، دێ ل‌ ڕۆژێن 15و 16 – 7 – 2024ێ، دووه‌مین فێستیڤاڵا خانییا ڕەوشەنبیری ل باژێڕێ دهــۆكێ  گێڕیت
ئه‌ڤ فێستیڤاڵه‌ دێ ب پرۆگرامەکێ تێر و پۆخت ژ بــڕگەیێن هـەمەڕەنگ  بزاڤێ کەت، ببیتە سه‌كۆیه‌كێ ڕەوشەنبیرییێ نیشتمانی و ده‌رگەهـ و بیاڤەك بۆ ڤەکۆلین و گه‌نگه‌شه‌كرنا چه‌ندین مژارێن ڕەوشەنبیرییێن هەڤبەند ب بیاڤێن کولتۆری و ئەدەبی و هونەری و جڤاکی، ل‌ سەر  ئاستێ هه‌رێما كوردستانێ
د پەنەڵێن فێستیڤاڵی دا، چەندین ئەکادیمیست و بسپۆرێن بیاڤێن رەوشەنبیری و هونەری و ئەدەبی و میدیایی، ژ پڕانییا دەڤەرێن هەرێما کوردستانێ، دێ پشکدار بن، زێدەباری ژمارەکا بەرچاڤ یا مێڤانان ژ تەڤایا باژێڕ و باژێڕکێن هەرێما کوردستانێ
دوەمین فێستیڤاڵا خانی، دێ ژمارەکا مژار و بابەتێن جودا ب خۆڤەگریت، ژ وانا: گۆتار- دۆكیۆمێنتاری – پەنەڵێن (ڕەوشەنبیری،  هزری، جڤاکی، میدیایی، ئەدەبی، شوینواری) - كۆڕەکێ هەلبەست خواندنێ ب پشکدارییا هەلبەستڤانێن بەرنیاسێن کوردستانێ و یێن گەنج) –پێشانگەهێن (په‌رتووكان، کەلوپەلێن  میدیایی یێن کەڤن، وێنه‌یێن

میدیاكارێن وه‌غه‌ركرى) - ڕێزلێنان - ستران و مۆزیك - شه‌هیان

ئەدرێس: هەرێما کوردستانێ – پارێزگەها دهۆکێ - هۆڵا (كۆنفرانسان یا زانكۆیا دهۆكێ)

ڕۆژ و ڕێككه‌فت: 7/15،16 /2024

دەمژمێر: 10:00ێ سپێدێ

bottom of page